PALEXCO, primeiro recinto de reunións en Galicia merecedor do distintivo Q de Calidade Turística, pon á súa disposición todos os servizos necesarios para a celebración de calquera encontro —subministrados directamente ou a través de empresas colaboradoras de plena confianza—- ao máximo nivel dos estándares de calidade.
Ofrecendo así a garantía de obter o mellor servizo, tanto na provisión e operación de equipos técnicos coma no relativo aos servizos de montaxe de stands, sinalética, azafatas, seguridade, medios audiovisuais, fotografía, decoración, etc.
Con especial mención ao catering, elemento indispensable en calquera evento. PALEXCO dispón nesta área dun servizo da máis alta calidade que, partindo dunha excelente materia prima, ofrece o mellor da gastronomía galega, xenerosa en peixes, mariscos, carnes, queixos e viños.